مفاكرة – شيماء شعراوي*

 

فيه سؤال دايما الستات الي بيجو يكشفو عندي يسألو يا دكتوره بعد الولاده ايه احسن وسيله .لمنع الحمل عشان نقدر نعمل مسافه بين كل طفل والتاني .
الاجابه ان احسن وسيله علي الإطلاق هي اللولب .لانه ببساطه لا يحتوي علي اي هرمونات ممكن تزود الوزن .والهرمونات دي برده ممكن بتعمل مشاكل لمرضي الضغط والسكر .ومرضي قرحه المعده.
طيب سؤال تاني بيجيلي.يا دكتوره احنا بنخاف من تركيب اللولب .انا بقول محدش يخاف ابدأ من تركيب اللولب لو معاكم دكتوره نسا شاطره ايديها خفيفه.
طيب. سؤال تاني .برده بسمعه.هل يا دكتوره صحيح اللولب بيسرح في الجسم
 .كلام غلط اللولب ملوش رجلين عشان يتمشي.في الجسم .اللولب مكانه في الرحم طالما متركب اصلا من الاول كويس بطريقه نظيفه 
طيب. ايه المشاكل الي بنسمعها يا دكتوره عن النزيف الي بيحصل علي اللولب وزياده كميه الدوره الشهريه والمغصالي بيجي دايما مع اللولب 
الاجابه .هي ان اللولب السليم دايما بيبقي في الجسم السليم
يعني صحيح اللولب بيزود أيام الدوره الشهريه.وساعات بي عمل مغص كمان بس كل ده في المعقول الي اقدر اتحمل
ويروح عادي بالمسكنات 
لذلك أنصح اي واحده مركبه لولب انها تهتم بصحتها و تاخد حديد و تتغذي كويس .
لا الطبيعي انا لو عندي انيميا. هانزف علي اللولب .
كمان مننساش ان اللولب ده جسم غريب جوه الرحم مهما كان نوعه نضيفيعني محتاج متابعه كل فتره والمتابعة بتكون بالسونا ر ننطمن عليه .عشان لو حصل اي مشكله نقدر نتصرف علطول 
بلاش بقي اللوالب الي بتتساب جوه الرحم سنين وسنين من غير متابعه  وفي الاخر نيجي نقول اللولب وحش 
طيب سؤال تاني هل ينفع اللولب يتركب ببنج.الاجابه ايوه ممكن يتركب ببنج كلي في ال مستشفي. الحالات الي مش تستحمل الوجع بتاع التركيب 
سؤال تاني ايه الحالات الي ممنوع تركب اللولب وخطر عليها وايه بديل اللولب ده الي هانعرفه ان شاء الله المره الجايه
* أخصائي النساء والتوليد والعقم